કેનેડા PR કાર્ડ શું છે?
કેનેડા PR કાર્ડ એ એક આઈડેન્ટિફિકેશન કાર્ડ છે કે તમારી પાસે PRનું સ્ટેટસ છે. તમે બીજા કોઈ દેશમાં જઈને પરત કેનેડા આવો ત્યારે વિદેશી પાસપોર્ટ ઉપરાંત તમારે કેનેડા PR કાર્ડ પણ બતાવવું પડશે. તમે આ કાર્ડની મદદથી હેલ્થ ઈન્શ્યોરન્સ અથવા કેનેડા ડ્રાઈવર્સ લાઈસન્સ માટે અરજી કરી શકો છો. આ ઉપરાંત બાળકોને સ્કૂલમાં મુકવા હોય તો પણ કેનેડા PR કાર્ડ જરૂરી છે.
PR કાર્ડ કેવી રીતે મળે?તમને કેનેડામાં પર્મેનન્ટ રેસિડન્સ તરીકે પસંદ કરવામાં આવ્યા હોય તો PR કાર્ડ મળી શકે છે. તેના માટે સૌપ્રથમ તમારે કન્ફર્મેશન ઓફ પર્મેનન્ટ રેસિડન્સ અને પાસપોર્ટ સાથે કેનેડા આવવું પડે. તેનો આધાર તમે કયા દેશમાંથી ઈમિગ્રેશન કરો છો તેના પર રહેશે. તમે પહેલેથી કેનેડામાં વર્ક પરમિટ કે સ્ટડી પરમિટ સાથે રહેતા હશો તથા તમારા PR તાજેતરમાં જ મંજૂર થયા હશો તે તમને એક મેઈલ દ્વારા જાણ કરવામાં આવશે અને પીઆર સ્ટેટસને કન્ફર્મ કરવામાં આવશે.
